شعر مضحك جدا

أبصم بالعشره وبإيديّا
لو حكموا عشره مافيش فايده
لا فيه حاجة هتجد عليا
ولا ها حلم أركب عربيه
دا منايا بس الشهريه
تكفينى من غير جمعيه
أو آكل دقه ملوخيه
لو مره بفرخه جمعيه
وكفايه الفول والطعميه
خلوا القولون يقسى عليا
وطابور العيش م الفجريه
وانا واقف حتى العصريه
كرهنى فى أم الطبليه
والغدا والعشا والتحليه
ولولاش الرحمه الإلهيه
كان جالى ضغط وعصبيه
ومراتى حبيبتى وعينيا
ليلاتى تشق الجلابيه