راب من تاليفي ( 4 )

زهقانين تعبانين على طول مأنتخين
ندمانين على فاتنا من سنين ومش قادرين
عايزين نعيش حياه نكون فيها مرتاحين
محتاجين نعمل حاجة مفيده نكون بيها عايشين
تعبنا تعبنا من كلامنا علي فاتنا مش ناقصين
كفاية كفاية العمر ضايع منا وأحنا مش حاسين


مستنين أي تاني بعد اللي شوفناه
كفاية اللي فاتنا من حياتنا وبآهتنا إتعلمناه


مش عايز اكبر الكلام أو تحس أنه أوهام
أو تتخنق مني بسرعه وتقولي عايز أنام
لا أسمعني قبل ما تجري بيك الأيام
وساعتها هييجي الوقت اللي مينفعش فيه الكلام
تجربتي في الحياه مكنتش حاجه بسيطه
واتعلمت منها حاجات أوعى تقولي دي عبيطه
أتعلمت معنى كلمة المسئوليه
وأزاي اعرف أعيش على قد اللي في اديا
مش بقولك تبقى ملاك في الدنيا ديا
بس عايزك تعرف اللي ليا من اللي عليا

اتحرك

مش عايزك تكون مستني الحياه
تيجي لحد عندك وتشوف اللي شوفناه

الحياه دي مش صعبة بس عايزة اللي يفهمها
لما تقدر اللي فيها هتشوف أجمل الوانها